Jumat, September 19, 2008

Cucupatian B

B

1. Ban nangapa nang karas ?

Jawaban : Ban buta.

2. Ban nangapa nang lamah ?

Jawaban : Bantal

3. Ban nangapa nang bisa tarabang ?

Jawaban : Bantiung (ngaran burung)

4. Ban nangapa nang bisa tarabang ?

Jawaban : Bandung (ngaran kota)

5. Ban nangitu ada dimutur, ada di bica, ada di sapida. Ban nangapa nang ada di ranjang ?

Jawaban : Bantal.

6. Tahuja sudah kalau ban sapida kimpis, tapi musti dipicik lawan jariji. Kanapa, yu ?

Jawaban : Kada nahap amun kada dipicik.

7. Banua nangapa nang babalang ?

Jawaban : Balangan (ngaran kabupatin).

8. Banua nangapa nang baisi kambang ?

Jawaban : Tanjung (ngaran ibu kota kabupatin Tabalong.

9. Banua nangapa nang banyak pagatan ?

Jawaban : Pagatan (ngaran kota)

10. Banua nangapa nang banyak baisi binjai ?

Jawaban : Banua Binjai.

11. Banua nangapa nang baisi birik ?

Jawaban : Babirik.

12. Banua nangapa nang sapanggal haja ?

Jawaban : Banua Sapanggal.

13. Banua nang mana nang kada mau buruk ?

Jawaban : Banua Hanyar.

14. Banjarmasin kuta saribu sungai, bujurkah ?

Jawaban : Jangankan saribu, saratus gin kada ada lagi.

Kamus Bahasa Banjar

15. Banjar nang mana nang kada mau lawas ?

Jawaban : Banjarbaru.

16. Balang putih bagus. Balang habang bagus. Balang kuning bagus jua. Balang nangapa nang kada bagus ?

Jawaban : Balang kambingan. (Istilah B.Bjr bermakna tidak menetap atau sekali mengerjakan sekali tidak. Contoh : Sambahyangnya balang kambingan, artinya : Shalatnya bolong-bolong.

17. Balimbing nangapa nang kaya tunjuk ?

Jawaban : Balimbing tunjuk (nama tanaman).

18. Banyu nangapa nang bisa karas ?

Jawaban : Es batu.

19. Banyu nangapa nang andaknya tinggi di atas ?

Jawaban : Banyu nyiur.

20. Baju nangapa nang bisa mambawa untung atawa rugi ?

Jawaban : Bajualan.

21. Bahu siapa nang rancak dijajak ?

Jawaban : Bahu jalanan.

22. Bagawi maju haja, tagal baundur. Gawian nangapa yu ?

Jawaban : Gawi di wantilan.

23. Bala nangapa nang andaknya di tanah ?

Jawaban : Balamika.

24. Batang nangapa nang kada mau pagat ditatak ?

Jawaban : Batang banyu.

25. Batang nagapa nang ada di awak ?

Jawaban : Batang paha.

26. Batang nangapa nang kada kawa dinaiki ?

Jawaban : Batang banyu (=sungai)

27. Batu nangapa nang lincar ?

Jawaban : Batu Licin (nama kota).

28. Batu nangapa nang bisa mandi ?

Jawaban : Batu Mandi (nama daerah).

Kamus Bahasa Banjar

29. Batu nangapa nang kada kawa diulah tangga ?

Jawaban : Batu Tangga (nama daerah).

30. Bagasak-gasak bajalan, imbah nitu duduk baranai. Nangapa, yu ?

Jawaban : Urang bukah ka dalam kakus.

31. Biar pisit dijarat, inya kada bukah, tagal kawa dimakan. Nangapa, yu ?

Jawaban : Lapat.

32. Biar karas, tagal rami. Nangapa, yu ?

Jawaban : Karasmin.

33. Biar awaknya hirang saikungan, inya dikatujui urang. Inya numur satu tarus. Siapa yu ?

Jawaban : Kicap.

34. Bibinian haji nang paling sugih, siapa yu ?

Jawaban : Haji Barlian (nama orang).

35. Bibinian haji nang paling sugih, siapa lagi yu ?

Jawaban : Haji Mas Intan (nama orang).

36. Buah nangapa nang banyak hidungnya ?

Jawaban : Buah kanas.

37. Buah nangapa nang kada kawa dimakan ?

Jawaban : Buah baju (kima).

38. Buah nangapa nang paling banyak manapaatnya ?

Jawaba : Buah tiwadak (Isinya dimakan, biginya dijarang gasan dimakan, kulitnya diulah mandai gasan dimakan, kulit luarnya gasan gagaru balakang).

39. Buah nangapa nang tuha ?

Jawaban : Sumangka (su = panggilan untuk busu / paman / pak de, B.Jw)

40. Buku nangapa nang kada kawa dibaca ?

Jawaban : Buku pinang.

41. Buku nangapa nang sudah tuha banar ?

Jawaban : Buku lali.

42. Buku nangapa nang rasanya manis ?

Jawaban : Buku manisan.

Kamus Bahasa Banjar

43. Bunyinya kaya ngaran urang Cina, tagal lain. Nangapa, yu ?

Jawaban : Mang Kok Seng (mangkok seng = mangkuk terbuat dari bahan seng).

44. Bunyinya kaya basa Cina, tagal lain. Nangapa, yu ?

Jawaban : Tong Sam Pah (tong sampah).

45. Burung nangapa nang kada babuntut ?

Jawaban : Burung pipikau.

46. Burung nangapa nang kada baisi halar ?

Jawaban : Burung Mantuk (Judul lagu).



Kamus Bahasa Banjar

Kambali, A, C, D, E, F, G, H, I, J, K, L, M, N, O, P, Q, R, S, T, U, V, W, X, Y, Z

Tidak ada komentar: