Jumat, September 19, 2008

Cucupatian D

D

Kamus Bahasa Banjar

1. Dahi siapa nang paling ganal ?

Jawaban : Dahi lawang.

2. Daun nangapa nang paling ganal ?

Jawaban : Daun lalungkang.

3. Daunnya ganal di bawah. Akarnya ampat di atas. Nangapa, yu ?

Jawaban : Kalambu ambutut.

4. Danau nangapa nang tapanggang ?

Jawaban : Danau Panggang (nama daerah).

5. Dara nangapa nang bisa manyakiti kakanakan ?

Jawaban : Kapidaraan.

6. Dalam sakayu nyiur, samunyaan disambat nyiur (akar nyiur, batang nyiur, daun nyiur, buah nyiur, humbut nyiur). Nangapa nang kada disambat nyiur ?

Jawaban : Katilambang (sejenis kumbang kelapa).

7. Di luar rapun nyiur, nangapa nang disambat nyiur ?

Jawaban : Su Amat tukang nyiur.

8. Di mana urang nang manjual tanah kada basigil ?

Jawaban : Di Nagara, ujar urang nang manjual dapur tanah.

9. Di mana urang manjual anak ?

Jawaban : Di Nagara, urang manjual anak lambakan.

Kamus Bahasa Banjar

10. Di pasar mana, urang rancak mancatuk kapala ?

Jawaban : Di pasar iwak, urang mancatuk kapala haruan.

11. Di pasar mana, urang rancak mancium ?

Jawaban : Di Pasar Baru, urang manjual minyak harum.

12. Diwan nangapa nang urang nyaman haja manjadi anggotanya ?

Jawaban : Di wantilan.

13. Disambat sakali mamatuk. Disambat dua kali kawa dimakan. Nangapa, yu ?

Jawaban : Ular.

14. Disambat sakali ngaran kayu. Disambat dua kali kawa dimakan. Nangapa, yu ?

Jawaban : Ulin-ulin (ngaran wadai).

15. Duri nangapa nang kawa dimakan ?

Jawaban : Durian.

16. Durian nangapa nang kawa diganai ?

Jawaban : Durian Gantang (nama desa).

17. Doktor (dokter) nangapa nang mancari gigi ?

Jawaban : Doktor gigi.

18. Dua kali manggaris, dapat gambar binatang dua ikung. Nangapa, yu ?

Jawaban : Gambar tanda + (=calak burung).

19. Dua kali sanga barapa ?

Jawaban : Hangit.


Kamus Bahasa Banjar

Kambali, A, B, C, E, F, G, H, I, J, K, L, M, N, O, P, Q, R, S, T, U, V, W, X, Y, Z

Tidak ada komentar: