Cucupatian W

W

1.Wadai nangapa nang disambat sasangga laung ?

Jawaban : Sasagun.

2. Wadai nangapa nang disambat sasunduk lawang ?

Jawaban : Pupudak.

3. Wadai nangapa disambat dua kali sakit ?

Jawaban : Dadar gulung.

4. Wadai nangapa nang gasan samua umur ?

Jawaban : Agar-agar.

5. Wadai nangapa nang bisa maigut ?

Jawaban : Wadai nang basamut.

6. Wadai nangapa nang disambat tuha ?

Jawaban : Wadai surabi (su = busu).

7. Wadai nangapa nang dingarani kuduk ?

Jawaban : Cangkuduk (guguduh bakacak).

8. Wadai nangapa, biar sapuluh, tatap haja satu ?

Jawaban : Wadai satu.

9. Wadai nangapa biar kadap, tatap haja tarang ?

Jawaban : Wadai tarang bulan.

10. Wadai nangapa nang disarangi kabibitak ?

Jawaban : Kararaban.

11. Wadai nangapa nang dingarani susu bujang ?

Jawaban : Pais pisang nang bajubung.

12. Wadai nangapa nang dingarani urang kawin ?

Jawaban : Sari pangantin.

Kamus Bahasa Banjar

Kambali, A, B, C, D, E, F, G, H, I, J, K, L, M, N, O, P, Q, R, S, T, U, V, X, Y, Z

Cucupatian U

U

1. Urang Bank kada hakun dibari duit, kanapa ?

Jawaban : Inya rahatan bang.

2. Urang mana nang katuju bagana di hutan ?

Jawaban : Urang hutan.

3. Umanya manyuruh dua ikung anaknya manukar gumbili lawan mamutik kambang. Imbah disuruh, kaduanya taimbai bapadah :

“Ma ! Haraganya larang !”

“Ma ! Tangan ulun disangat kumbang”

Kaya apa umanya manyahut sakali haja ?

Jawaban : Ditawar.

4. Urang Nagara bisa mamburiti panci, bujurkah ?

Jawaban : Bujurai, inya tukang sudir.

5. Untung ada Cina, kanapa ?

Jawaban : Katida gigi rumpung tarus.

Kamus Bahasa Banjar

Kambali, A, B, C, D, E, F, G, H, I, J, K, L, M, N, O, P, Q, R, S, T, V, W, X, Y, Z

Cucupatian T

T

1. Tang nangapa nang banyak baisi banyu ?

Jawaban : Tangkujuh.

2. Tang nangapa nang bisa manangkap iwak ?

Jawaban : Tangkawing.

3. Tang nangapa nang ada lautnya ?

Jawaban : Tangkisung. (Pantai Takisung).

4. Tangannya lunjung, tagal dua bilah jarijinya landap. Siapa, yu ?

Jawaban : Gunting.

5. Tangannya ampat, batisnya ampat, kapalanya dua. Siapa, yu ?

Jawaban : Urang tuha mahambin kakanakan.

6. Tangannya ampat, batisnya ampat, kapalanya satu. Batis tangan bisa bapaculan. Siapa, yu ?

Jawaban : Urang manunjul garubak.

Kamus Bahasa Banjar

7. Tangga nangapa nang kawa dimakan ?

Jawaban : Ruti tangga.

8. Tangga nangapa nang kada kawa dinaiki ?

Jawaban : Ruti tangga.

9. Talinga nangapa nang kada kawa mandangar ?

Jawaban : Talinga rinjing.

10. Talu macam nang ditakunakan, jawabannya sabuting haja :

* Kanapa karupuk nang disanga nitu hangit ?

* Kanapa kakanakan mati lamas ?

* Kanapa iwak diunjun nitu lapas ?

Jawaban : Talambat maangkat.

11. Talu disambat ganap, dua disambat ganjil. Nangapa, yu ?

Jawaban : Tungku dapur Nagara.

12. Talu macam tahi nang ada di kapala manusia. Nangapa, yu ?

Jawaban : Tahi talinga, tahi mata wan tahi gigi.

13. Tali nangapa nang kawa bapandir ?

Jawaban : Talipun.

14. Taluk nangapa nang kada bisa surut ?

Jawaban : Taluk Dalam. (Nama Jalan).

15. Tanah nangapa nang diulah bumbu ?

Jawaban : Tanah Bumbu.

16. Tahi nangapa nang kawa dimakan ?

Jawaban : Tahi lala.

17. Tahi nangapa nang kada rigat ?

Jawaban : Tahi lalat.

18. Tahi nangapa nang bisa tarabang ?

Jawaban : Tahi gargaji.

19. Tas nangapa nang diandak di muha ?

Jawaban : Tasmak.

20. Tas nangapa nang kada kawa diisi ?

Jawaban : Tasmak.

Kamus Bahasa Banjar

21. Tas nangapa nang baisi saratus ?

Jawaban : Tasbih.

22. Tas nangapa nang dibariakan gasan kakanakan ?

Jawaban : Tasmiah.

23. Tapaksa kalahi balumu, kada kawa baigut. Kanapa, yu ?

Jawaban : Gigi rumpung samunyaan.

24. Teh nangapa nang kada babanyu ?

Jawaban : Teh babungkus.

25. Tinggi nangapa nang kada dikatujui ?

Jawaban : Darah tinggi.

26. Toko nangapa nang kada bajualan ?

Jawaban : Toko nang tutup.

27. Tung nangapa nang kada kawa diisi banyu ?

Jawaban : Tungkat.

28. Tong nangapa nang kawa dimakan ?

Jawaban : Lontong.

29. Topi nangapa nang kawa dimakan ?

Jawaban : Topi waja (Nama kue).

30. Tukang kayu, tukang samin, tukang cat, tukang tabuk tanah. Siapa nang kada disambat tukang.

Jawaban : Mandurnya.

31. Tungkul nangapa nang ada di talapak batis ?

Jawaban : Kulipak tungkulan.

32. Tumatan di Banjar bamutur ka Bali, kawakah ?

Jawaban : Kawaai. Ka Balimau (nama kampung).

33. Tumatan di Banjar babica ka Bali, kawakah ?

Jawaban : Kawaai. Ka Balitung. (nama jalan).

34. Tukang nangapa nang rugi ?

Jawaban : Tukang gunting. Inya kada kawa manggunting rambutnya saurang.

Kamus Bahasa Banjar

Kambali, A, B, C, D, E, F, G, H, I, J, K, L, M, N, O, P, Q, R, S, U, V, W, X, Y, Z

Cucupatian S

S

1. Sari nangapa nang sugih ?

Jawaban : Sarikaya.

2. Salagi katul, salagi sakit. Nangapa, yu ?

Jawaban : Katulangan.

3. Sasain lawas sasain halus. Nangapa, yu ?

Jawaban : Sabun mandi.

4. Sasain lawas sasain handap. Nangapa, yu ?

Jawaban : Lilin balikit.

Kamus Bahasa Banjar

5. Sasain digulung sasain batinggi. Nangapa, yu ?

Jawaban : Salawar panjang.

6. Sambahiyang sunat kawa haja digawi 5 sampai 10 kali, atawa labih. Gawian sunat nang kawa digawi sakali haja. Nangapa, yu ?

Jawaban : Basunat.

7. Siapa nang diubati padahal inya kada garing. Siapa, yu ?

Jawaban : Nyamuk.

8. Samunyaan haraga barang wayah ini naik tarus. Susu haja nang turun. Susu napa, yu ?

Jawaban : Susu nini.

9. Sasapu nangapa nang diandak di kantung ?

Jawaban : Saputangan.

10. Sati itik ada itiknya. Sati hayam ada hayamnya. Sati kambing ada kambingnya. Sati Gambut kaya apa ?

Jawaban : Jawab ha saurang.

11. Siapa nang bamata ampat ?

Jawaban : Urang nang batasmak.

12. Siapa nang kawa guring dalam banyu ?

Jawaban : Siapa nang ada dalam kapal silam.

13. Siapa nang kawa manundukkan kapala urang ?

Jawaban : Tukang gunting.

14. Siapa nang bagawi kada kawa gasan inya saurang ?

Jawaban : Tukang gunting jua.

15. Sayangi binatang, inya mahluk Tuhan. Kanapa lalat lawan nyamuk nitu dibunuh ?

Jawaban : Jawab ha saurang.

16. Siapa nang makan, tagal kada makan ?

Jawaban : Rim motor.

17. Siapa nang pintar, hayam hirang atawa hayam putih ?

Jawaban : Hayam hirang. Inya bisa bahintalu putih. Hayam putih kada bisa bahintalu hirang.

Kamus Bahasa Banjar

18. Siapa nang harat, samut atawa manusia ?

Jawaban : Samut. Inya kawa maigut manusia. Manusia kada kawa maigut samut.

19. Siapa nang mancari makan wani mati ?

Jawaban : Nyamuk.

20. Sing nangapa nang bisa maulah raum ?

Jawaban : Singkip.

21. Suaranya bagus banar, tagal bibirnya panjang dua kilan. Siapa, yu ?

Jawaban : Suling.

22. Sungai nangapa nang tatap ditabuk ?

Jawaban : Sungai Tabuk.

23. Sungai nangapa nang banyak baisi durian ?

Jawaban : Sungai Durian.

24. Sungai nangapa nang banyak baisi jingah ?

Jawaban : Sungai Jingah.

Kamus Bahasa Banjar

Kambali, A, B, C, D, E, F, G, H, I, J, K, L, M, N, O, P, Q, R, T, U, V, W, X, Y, Z

Cucupatian R

R

1. Rambut nangapa nang kawa dimakan ?

Jawaban : Rambutan.

2. Rambut basurui, baju badasi, mamuruk jas, gagah banar. Tagal batis basandal sapit. Siapa, yu ?

Jawaban : Panyiar tilipisi.

3. Rambutnya banyak, awaknya panjang kurus. Siapa, yu ?

Jawaban : Sasapu haduk.

4. Rak nangapa nang ada di atas langit ?

Jawaban : Rakun.

5. Ruti nangapa nang kada kawa dimakan ?

Jawaban : Ruti kalung.

6. Ruti nangapa nang babulu ?

Jawaban : Ruti bulu.

7. Ruti nangapa nang karasnya kaya wasi ?

Jawaban : Ruti kalung.

8. Rumah siapa nang kada balulungkang ?

Jawaban : Kalimbuai.

Kamus Bahasa Banjar

Kambali, A, B, C, D, E, F, G, H, I, J, K, L, M, N, O, P, Q, S, T, U, V, W, X, Y, Z

Cucupatian P

P

1. Pada nangapa nang ringan ?

Jawaban : Padaringan.

2. Pahat nangapa nang kawa dimakan ?

Jawaban : Pahat-pahat (ngaran iwak).

3. Paku nangapa nang kawa dimakan ?

Jawaban : Paku sayur.

4. Parang nangapa nang kada kawa diliat ?

Jawaban : Parang maya.

5. Pasar mana nang labih pada sabuting ?

Jawaban : Pasar Lima.

6. Pasar mana nang kada mau lawas ?

Jawaban : Pasar Baru.

7. Pantai mana nang banyak baisi hambawang ?

Jawaban : Pantai Hambawang.

8. Pangayuh jukung digantung di gulu. Nangapa, yu ?

Jawaban : Dasi panjang.

9. Panyakit nangapa nang bisa maigut ?

Jawaban : Singgugut.

10. Paling sadikit sahari samalaman inya lima kali dicatuk, tagal inya kada sarik. Siapa inya, yu ?

Jawaban : Dauh.

Kamus Bahasa Banjar

11. Parutnya panjang managuk batu. Matanya sabuting haja, tagal nyarak kawa malihat jauh. Nangapa, yu ?

Jawaban : Sintar.

12. Papariannya urang tulakan ke sana ari ini, kaya apa ?

Jawaban : Papari nitu pahit.

13. Piring nangapa nang ganalnya kaya gunung ?

Jawaban : Gunung Batu Piring.

14. Piring nangapa nang kada mau pacah ?

Jawaban : Piring nang disimpan.

15. Pinang nangapa nang kada kawa dibalah ?

Jawaban : Buku pinang sapida.

16. Pisang nangapa nang baisi tanduk ?

Jawaban : Pisang tanduk.

17. Pisang nangapa nang bisa bakipas ?

Jawaban : Pisang kipas.

18. Pisang nangapa nang dihurung baranga ?

Jawaban : Pisang bari-bari.

19. Pil nangapa nang kada kawa diminum ?

Jawaban : Pilkada.

20. Pulisi nangapa nang guring tarus ?

Jawaban : Pulisi guring (Portal / gundukan di jalan).

21. Pulisi nangapa nang tatap badiri tarus ?

Jawaban : Patung pulisi.

22. Pupu nangapa nang kawa dimakan ?

Jawaban : Pupuluran.

23. Pupu nangapa nang bisa bakunyung ?

Jawaban : Pupuyu.

Kamus Bahasa Banjar

Kambali, A, B, C, D, E, F, G, H, I, J, K, L, M, N, O, Q, R, S, T, U, V, W, X, Y, Z

Cucupatian N

N

1. Nangapa bidanya urang Banjar lawan urang Cina ?

Jawaban : Urang Banjar bapikir kaya apa mancari duit, urang Cina bapikir nang kaya apa manggunakan duit.

2. Nangapa bidanya urang Banjar lawan urang Arab ?

Jawaban : Urang Banjar manukar kambing lawab urang Arab, urang Arab manjuali kambing lawan urang Banjar.

3. Nangapa bidanya gula lawan gulali ?

Jawaban : Manjual gula diandak haja, manjual gulali dibawa bajalan.

4. Nangapa bidanya roti bulu lawan hulat bulu ?

Jawaban : Roti bulu kawa dimakan. Hulat bulu hakunkah nyawa mamakan ?

5. Nangapa bidanya iwak haruan lawan iwak rabuk ?

Jawaban : Iwak haruan kawa diulah iwak rabuk, iwak rabuk kada kawa diulah iwak haruan.

6. Nangapa bidanya gila babi lawan bagi gila ?

Jawaban : Gila babi nitu manusia, babi gila nitu babi.

7. Nangapa bedanya muntung lawan hidung ?

Jawaban : Muntung nyaman bamamakan, hidung mancium baunya banarai.

8. Nangapa bidanya dokter lawan parawat ?

Jawaban : Doktor kawa mamarintah parawat, parawat kada kawa mamarintah doktor.

9. Nangapa bidanya tukang gunting lawan tukang sunat ?

Jawaban : Tukang gunting manatak rambut, tukang sunat manatak palir.

10. Nangapa bidanya manusia lawan iak baung ?

Jawaban : Manusia ada nang liur baungan, iwak baung kada ada nang liur manusiaan.

Kamus Bahasa Banjar

11. Nangapa bidanya manusia lawan samut ?

Jawaban : Manusia ada nang kasasamutan, samut kada ada nang kamanusiaan.

12. Nangapa bidanya manusia lawan hayam ?

Jawaban : Manusia ada nang kaur hayaman, hayam kada ada nang kaur manusiaan.

13. Nangapa bidanya manusia lawan biruang ?

Jawaban : Manusia ada nang tuli biruangan, biruang kada ada nang tuli manusiaan.

14. Nangapa bidanya manusia lawan haruan ?

Jawaban : Manusia ada nang bagawi tampuh haruanan, haruan kada nang tampuh manusiaan.

15. Nangapa bidanya manusia lawan rinjing ?

Jawaban : Manusia ada nang talinga rinjingan, rinjing kada ada nang talinga manusiaan.

16. Nangapa bidanya manusia lawan kambing ?

Jawaban : Manusia ada nang sambahiyang balang kambingan, kambing kada ada nang sambahiyang.

17. Nangapa bidanya manusia lawan hundang ?

Jawaban : Manusia ada nang bungkuk hundangan, hundang kada ada nang bungkuk manusiaan.

18. Nangapa bidanya propisor lawan mahasiswa ?

Jawaban : Propisor kalumpanan ngaran mahasiswa nitu wajar, mahasiswa kalumpanan ngaran propisor nitu kurang ajar.

19. Nangapa sasamaannya masin jahit lawan uyah ?

Jawaban : Sama-sama masin.

20. Nangapa sasamaannya pil kina lawan panawar sampai ?

Jawaban : Sama-sama pahit.

21. Nangapa sasamaannya tampuyak lawan katiak ?

Jawaban : Sama-sama babau.

22. Nangapa sasamaannya tukang urut lawan tukang jual binsin ?

Jawaban : Sama-sama kada kawa jauh lawan minyak.

23. Nangapa sasamaannya motor pamadam kabakaran lawan ambulan ?

Jawaban : Sama-sama pada rancak mambunyiakan sirina.

Kamus Bahasa Banjar

24. Nangapa sasamaannya bibinian lawan warik ?

Jawaban : Sama-sama bapasang rantai di pinggang.

25. Nangapa sasamaannya bibinian lawan kuda ?

Jawaban : Sama-sama barambut buntut kuda.

26. Nangapa bidanya tukang cat lawan babinian ?

Jawaban : Tukang cat mancat rumah, bibinian mancat bibir.

27. Nangapa bidanya guru lawan urang manginang ?

Jawaban : Guru maambil kapur gasan manulis, urang manginang maambil kapur gasan manginang.

28. Nangapa bidanya tukang ojek lawan anak sakulahan ?

Jawaban : Tukang ojek maangkat tangan mancari panumpang, murid sakulah maangkat tangan handak manjawab.

29. Nangapa bidanya tukang suntik lawan tukang sati ?

Jawaban : Tukang suntik mancucuk daging hidup, tukang sati mancucuk daging mati.

30. Nangapa bidanya urang mambaca buku lawan urang mangirim surat ?

Jawaban : Urang mambaca maliuri tunjuk, urang mangirim surat maliuri parangku.

31. Nangapa bidanya pil KB lawan pilkada ?

Jawaban : Pil KB dinginum, pilkada kada kawa diminum.

32. Nangapa kapanjangannya BA ?

Jawaban : Banjar asli atawa Barabai asli.

33. Nangapa kapanjangannya Pargum ?

Jawaban : Parsatuan guring malandau.

34. Nangapa kapanjangannya Parjasi ?

Jawaban : Parsatuan janggut seluruh Indonesia.

35. Nangapa kapanjangannya Umar ?

Jawaban : Untung masih ada rambut.

36. Nangapa kapanjangannya BBM ?

Jawaban : Bubuhan banyak makan.

37. Nangapa kapanjangannya BPL ?

Jawaban : Bubuhan pandir layau.

Kamus Bahasa Banjar

38. Nangapa kaahlian urang Halabiyu lawan urang Kalua ?

Jawaban : Urang Halabiyu bisa maharamakan hintalu, urang Kalua bisa mamanjangakan hintalu (logat Kalua : hintalu diucapkan hintaluuuuuu)

39. Nangapa nang bisa mangapit ?

Jawaban : Kapiting.

40. Nangapa diulah warik, amun inya handak turun ke bawah ?

Jawaban : Inya naik dahulu.

41. Nang kahilangan suka, nang mandapat sarik. Nangapa, yu ?

Jawaban : Kantut.

42. Nang mana nang labih tuha, hayam atawa hintalu ?

Jawaban : Kataraan.

43. Nang kaya apa amun puhun pisang kada ada lagi ?

Jawaban : Ngaliham mamais iwak, lawan maulah nasi pundut.

44. Nang dicatuk bailun, nang mancatuk baranai. Nangapa, yu ?

Jawaban : Agung.

45. Nang mana nang labih pintar, kambing atawa sapi ?

Jawaban : Kambing. Inya bisa manggiling tahi, sapi kada bisa.

46. Nang mana labih pintar, cacak atawa kucing ?

Jawaban : Cacak. Inya bisa bakurayap di tawing, kucing kada bisa.

47. Nang mana nang labih tuha, pais pakasam atawa pais anakan ?

Jawaban : Labih tuha pais pakasam (Pak – asam labih tuha dari anak-an).

48. Nasi nangapa nang kada kawa bangun ?

Jawaban : Nasi guring.

49. Nasi nangapa nang kada mau kurus ?

Jawaban : Nasi lamak.

50. Nasi nangapa nang bisa bajajalanan ?

Jawaban : Nasi raun. (Rawon).

51. Ngarannya apam, tagal kada kawa dimakan. Nangapa, yu ?

Jawaban : Gunung apam.

52. Nasi nangapa nang bisa basambunyi dalam bumbung ?

Jawaban : Lamang.

53. Nasi nangapa nang dijarat lawan daun nyiur ?

Jawaban : Katupat.

54. Naik ke atas nyiur, imbah nitu maluncat ka atas bubungan rumah. Siapa nang kawa ?

Jawaban : Nitu gawian nang kada jadi baras.

Kamus Bahasa Banjar

Kambali, A, B, C, D, E, F, G, H, I, J, K, L, M, O, P, Q, R, S, T, U, V, W, X, Y, Z

Cucupatian M

M

1. Madu nagitu manis. Tagal ada nang pahit. Nangapa, yu ?

Jawaban : Madu bini.

2. Manakanan nangapa nang kawa dipatah-patah ?

Jawaban : Patah.

3. Makan di parut, bahira di balakang. Nangapa, yu ?

Jawaban : Katam papan.

Kamus Bahasa Banjar

4. Makan di kapala, bahira di kapala. Nangapa, yu ?

Jawaban : Kutu kapala.

5.Makan nasi tagal baantah. Nangapa, yu ?

Jawaban : Nang bamasak kada apik.

6. Makin ditatak, makin tinggi. Nangapa, yu ?

Jawaban : Salawar panjang.

7. Manis nangapa nang kada dikatujui urang ?

Jawaban : Kancing manis.

8. Mangga nangapa nang bisa manyakiti ?

Jawaban : Manggatar.

9. Makanan Banjar nangapa nang banyaknya sampai puluhan ribu ?

Jawaban : Laksa.

10. Mas nangapa nang ganalnya labih pada rumah ?

Jawaban : Masjid.

11. Masin nangapa nang bisa lunuh ?

Jawaban : Uyah.

12. Mata sapi, tagal kada ampun sapi. Nangapa, yu ?

Jawaban : Hintalu mata sapi.

13. Mata nangapa nang kada kawa malihat ?

Jawaban : Matahagi.

14. Mata siapa nang paling ganal ?

Jawaban : Matahari.

15. Motor rahatan bajalan. Ban nang mana nang kada baulai ?

Jawaban : Ban risirpa.

16. Motor trak tabalik. Samunyaan panumpang matian. Tagal saikung nang salamat. Siapa, yu ?

Jawaban : Nang bangaran Salamat.

17. Motor nangapa nang kada kawa ditumpangi ?

Jawaban : Momotoran.

18. Motor nangapa nang kada baisi panumpang bibiniannya ?

Jawaban : Motor satum.

19. Mi nangapa nang kada sing bangunan ?

Jawaban : Mi guring.

Kamus Bahasa Banjar

Kambali, A, B, C, D, E, F, G, H, I, J, K, L, N, O, P, Q, R, S, T, U, V, W, X, Y, Z

Cucupatian L

L

1. Lalak nitu samakah lawan kuduk ?

Jawaban : Sama haja lawan cirat, kurat atawa kungkung.

2. Landasan kapal terbang nang mining. Nangapa, yu ?

Jawaban : Kapala lungur.

3. Lanting nangapa nang bisa manyakiti ?

Jawaban : Tapulanting.

4. Lapisan nang pamulaan barambut, nang badua bakayu, nang katiga badaging, nang kaampat babanyu. Nangapa, yu ?

Jawaban : Buah nyiur.

5. Licak nitu samakah lawan luluk ?

Jawaban : Sama haja lawan lunau.

6. Lim nangapa nang kawa dimakan ?

Jawaban : Limping.

7. Lim nangapa nang ngarannya kada harat ?

Jawaban : Lim UHU.

8. Lim nangapa nang bisa bajalan ?

Jawaban : Salim.

9. Lim nangapa nang kawa didiami ?

Jawaban : Limpasu (ngaran kampung).

10. Lim nangapa nang bakasnya kada mau hilang ?

Jawaban : Limpak.

11. Luang nangapa nang kawa dimakan ?

Jawaban : Saluang.

12. Luang nangapa nang bisa tarabang ?

Jawaban : Kaluang.

Kamus Bahasa Banjar

Kambali, A, B, C, D, E, F, G, H, I, J, K, M, N, O, P, Q, R, S, T, U, V, W, X, Y, Z

Cucupatian K

K

1. Kaca nangapa nang babau harum ?

Jawaban : Kacapiring (nama bunga).

2. Kala nangapa nang bisa bakunyung ?

Jawaban : Kalatau (nama ikan).

3. Kala nangapa nang bisa tarabang ?

Jawaban : Kalalatu.

4. Kala nangapa nang bisa dimakan ?

Jawaban : Kalangkala.

5. Kala nangapa nang bisa tarabang tinggi ?

Jawaban : Kalayangan.

6. Kanapa buku nasi nitu bisa bajalan ?

Jawaban : Dibawa samut.

7. Kanapa bibinian nitu jadi banyak bapandir ?

Jawaban : Inya kada basasingut pang.

8. Kanapa uyah nitu jadi masin ?

Jawaban : Amun kada masin kada uyah ngarannya.

9. Kanapa wadai cincin jadi empat luangnya ?

Jawaban : Amun lima kada mayu wadahnya.

10. Kanapa jam nitu dua belas angkanya ?

Jawaban : Amun saratus kada mayu wadahnya.

11. Kanapa cacing nitu hidup dalam tanah ?

Jawaban : Amun di atas tanah habisam dipatuk hayam.

12. Kanapa radio nitu jadi bapandir ?

Jawaban : Amun kada bisa bandir kada radio ngarannya.

13. Kanapa kakanakan nang hanyar diranakakan nitu bisa manangis ?

Jawaban : Manangis nituam kabisaannya samacam.

14. Kanapa gula nitu jadi manis ?

Jawaban : Amun kada manis, kada gula ngarannya.

Kamus Bahasa Banjar

15. Kanapa urang nang runda malam nitu mancatuk lonceng ?

Jawaban : Inya kada ada gawian nang lain.

16. Kanapa urang bisa mambunuh diri ?

Jawaban : Amun mambunuh urang lain, inya dihukum.

17. Kanapa kaluang nitu, amun guring jadi bagantung ?

Jawaban : Inya kada bisa barabah.

18. Kanapa itik nitu amun guring batisnya diangkat sabalah ?

Jawaban : Amun diangkat kaduanya, batisnya kada tapakai.

19. Kanapa amun gugur nitu musti ka bawah ?

Jawaban : Amun ka atas kada kawa manciri lagi.

20. Kanapa amun kai guring, kakanakan kada bulih tumbur ?

Jawaban : Amun tumbur dipulas sidin banarai talinganya.

21. Kanapa amun puasa nitu kada bulih makan nginum ?

Jawaban : Bulihan wayah malam.

22. Kanapa urang Arab nitu katuju maingun kambing ?

Jawaban : Inya kambing bajanggut.

23. Kakanakan kurus bakamih di kartas. Nangapa, yu ?

Jawaban : Pulpin.

24. Kakanaan, urang anum, urang tuha, urang picak, urang tuli, tamasuk urang gila, sama haja nang dikatujuinya. Nangapa, yu ?

Jawaban : Duit.

25. Kanapa jam tangan musti dipasang di tangan kiwa ?

Jawaban : Nyaman tangan kiwanya kada maraju. Inya pang nang tukang basuhi burit.

26. Kanapa ka’i rancak batuk wayah tangah malam ?

Jawaban : Hampai maling ingar.

27. Kanapa nini nitu katuju manginang ?

Jawaban : Sidin maras lawan nang manjual sirih.

28. Kanapa urang Cina haja nang bisa jadi tukang gigi ?

Jawaban : Inya urang Cina nang katuju mangucau gigi urang.

Kamus Bahasa Banjar

29. Kanapa sambal nitu jadi padas ?

Jawaban : Amun kada padas kada sambal ngarannya.

30. Kanapa gagang talipun diandak di talinga ?

Jawaban : Kada ada nang manyuruh diandak di talapak batis.

31. Kanapa urang tuha kita bahari nitu jadi banyak baisi anak ?

Jawaban : Wayah dahulu balum ada KB.

32. Kada ada baisi muntung, tagal bisa bapandir. Nangapa, yu?

Jawaban : Radio

33. Kampung nangapa nang baisi banyak sirih ?

Jawaban : Kampung Basirih.

34. Kampung nangapa nang banyak baisi gambir ?

Jawaban : Kampung Bagambir.

35. Kampung nangapa nang banyak baisi karung ?

Jawaban : Kampung Bakarung.

36. Kampung nangapa nang banyak baisi tali ?

Jawaban : Kampung Batali.

37. Kampung nangapa nang banyak baisi ilung ?

Jawaban : Kampung Ilung.

38. Kampung nangapa nang limpas ?

Jawaban : Kampung Limpasu.

39. Kadangarannya kaya ngaran urang Cina, tagal lain. Nangapa, yu ?

Jawaban : Tang Gi Ling (binatang trenggiling).

40. Kadangarannya kaya kampung di Cina. Kampung nangapa, yu ?

Jawaban : Lam Pi Hong (Lampihong).

41. Karak nasi kawa dimakan. Karak nangapa nang kada kawa dimakan ?

Jawaban : Karak hidung.

42. Karung nangapa nang bisa manyakiti kakanakan ?

Jawaban : Karungkup.

Kamus Bahasa Banjar

43. Kayu nangapa nang kawa dimakan ?

Jawaban : Gambili kayu.

44. Kapala nangapa nang ada di batis ?

Jawaban : Kapala lintuhut.

45. Kota nangapa nang kada mau lawas ?

Jawaban : Kotabaru.

46. Kopi nangapa nang kada kawa diminum ?

Jawaban : Fotokopi.

47. Kalung nangapa nang kada kawa dikalungakan ?

Jawaban : Roti kalung.

48. Kapala bahatap sing. Nangapa, yu ?

Jawaban : Kapala hibak bahuban.

49. Katam nangapa nang sakit ?

Jawaban : Katampihaan.

50. Kasulitan apa nang nyaman haja dihilangkan ?

Jawaban : Kasulitan gigi.

51. Kuda nangapa nang kada baisi batis ?

Jawaban : Kuda gipang.

52. Kuda nangapa nang kawa diangkat ?

Jawaban : Kuda gipang.

53. Kucing nangapa nang tuli ?

Jawaban : Kucing pakak (perangkap tikus).

54. Kupiah nangapa nang dingarani ngaran burung ?

Jawaban : Kupiah palung.

Kamus Bahasa Banjar

Kambali, A, B, C, D, E, F, G, H, I, J, L, M, N, O, P, Q, R, S, T, U, V, W, X, Y, Z

Cucupatian J

J

1. Jalanan nangapa nang kada kawa dijalani ?

Jawaban : Jalanan nang rusak bangat.

2. Jam nangapa nang bisa banyanyi ?

Jawaban : Jamjam (nama seorang penyanyi Banjar).

3. Jam apa nang ada di sungai ?

Jawaban : Jamban.

4. Jam nangapa nang kawa dimakan ?

Jawaban : Jambu.

5. Jam nangapa nang ada di kapala ?

Jawaban : Jambul.

6. Jam nangapa nang sakit bangat ?

Jawaban : Jamblang (kudis).

7. Jarum nangapa nang kawa diisap ?

Jawaban : Roko cap Djarum.

Kamus Bahasa Banjar

Kambali, A, B, C, D, E, F, G, H, I, K, L, M, N, O, P, Q, R, S, T, U, V, W, X, Y, Z

Cucupatian I

I

1. Ikam amun mamilih, nang mana hakun, picak atawa tuli ?

Jawaban : Mamilih kada hakun kaduanya ai.

2. Ikam nang mana nang katuju, makan daging sapi atawa sate kambing ?

Jawaban : Kada hakun jua kaduanya, darah tinggi, pang.

3. Imbah ditatak inya basambung pulang. Nangapa, yu ?

Jawaban : Batang banyu.

4. Inya sudah bajasa, rila pulang digantung sampai mati karing. Nangapa, yu ?

Jawaban : Kambang barinting.

5. Inya badangsanak kambar, satia banar lawan bosnya. Saban hari inya dijajak haja, tagal inya sabar haja. Siapa, yu ?

Jawaban : Sandal.

6. Inya banyak baisi tangan. Amun inya baucap, babunyi aya hujan rintik. Siapa, yu ?

Jawaban : Masin tik.

7. Inya tamasuk nang satia banar. Saban wayahnya inya malapur. Tagal inya bisa mati. Siapa inya nitu, yu ?

Jawaban : Jam dinding.

8. Itik nangapa nang paling ganal saduniaan, nitu ada di mana, yu ?

Jawaban : Itik di Hamuntai (semacam patung berbentuk itik di kota Amuntai ibu kota Kabupaten Hulu Sungai Utara).

9. Itik nang diulah sati nitu bujurkah itik nang mati ?

Jawaban : Amun itik nang hidup, inya bagagah banarai.

10. Iwak nangapa nang paling halus ?

Jawaban : Iwak rabuk.

11. Iwak nangapa nang musti dikucup ?

Jawaban : Haliling.

12. Iwak nangapa amun ditiup bisa tarabang ?

Jawaban : Iwak rabuk.

Kamus Bahasa Banjar

Kambali, A, B, C, D, E, F, G, H, J, K, L, M, N, O, P, Q, R, S, T, U, V, W, X, Y, Z

Cucupatian H

H

1. Hadupan nitu samakah lawan kuyuk ?

Jawaban : Sama haja lawan kutang.

2. Hintalu nangapa nang kada ada binatangnya ?

Jawaban : Hintalu pindang.

3. Hidupnya bagantung tatarusan. Wayah-wayah awaknya ditatak. Nangapa, yu ?

Jawaban : Janggut.

4. Hintalu nangapa nang kada ada burungnya ?

Jawaban : Hintalu karuang (nama kue).

5. Hintalu nangapa nang kada ada iwaknya ?

Jawaban : Hintalu biyawan (nama kue).

6. Hunda nangapa nang kawa diinta haja ?

Jawaban : Hundayang.

Kamus Bahasa Banjar

Kambali, A, B, C, D, E, F, G, I, J, K, L, M, N, O, P, Q, R, S, T, U, V, W, X, Y, Z